Aksident tragjik në Gjilan: një person humb jetën, dy të tjerë në gjendje të rëndë
Një aksident i rëndë trafiku ka ndodhur mbrëmjen e së premtes në fshatin Livoç i Ulët, në komunën e Gjilan, ku për pasojë një person ka humbur jetën, ndërsa dy të tjerë kanë mbetur të lënduar rëndë.
Sipas njoftimit të Policia e Kosovës, toger Ismet Hashani, rreth orës 19:39 është pranuar informata për një aksident trafiku me të lënduar. Në vendin e ngjarjes kanë dalë menjëherë njësitë përkatëse policore, ndihma e shpejtë dhe hetuesit e aksidenteve.
Nga hetimet e para bëhet e ditur se në aksident kanë qenë të përfshira dy motoçikleta, ndërsa tre persona kanë pësuar lëndime trupore.
Të lënduarit janë transportuar me urgjencë në Spitalin Rajonal në Gjilan, ku sipas mjekëve, njëri prej tyre është sjell pa shenja jete. Ndërkohë, dy të lënduarit e tjerë ndodhen në gjendje të rëndë – njëri është dërguar për trajtim të mëtejmë në Qendra Klinike Universitare e Kosovës në Prishtinë, ndërsa tjetri po trajtohet në spitalin rajonal në Gjilan.
Lidhur me rastin është njoftuar edhe prokurori i shtetit, ndërsa njësitet e trafikut rajonal po vazhdojnë hetimet për të zbardhur rrethanat e këtij aksidenti tragjik.
