Ndahet nga jeta miku i madh i Kosovës, Eliot Engel

Ka ndërruar jetë ish-kongresisti amerikan Eliot Engel, i njohur si një ndër mbështetësit më të fuqishëm të Kosovës në periudhën para dhe pas luftës.

Lajmi për vdekjen e tij është bërë i ditur gjatë seancës së Kuvendi i Kosovës nga kryetarja Albulena Haxhiu.

Në fjalën e saj, Haxhiu shprehu dhimbjen për humbjen e një miku të madh të shqiptarëve, duke theksuar kontributin e tij të çmuar për Kosovën.

“Me dhimbje të thellë morëm lajmin për ndarjen nga jeta të kongresmenit Eliot Engel, një mik i madh i shqiptarëve që e ka ndihmuar Republikën e Kosovës para luftës, një mbështetës i fuqishëm i saj dhe figurë e shquar për demokracinë dhe paqen. Ju ftoj për një minutë heshtje”, u shpreh ajo.