Bayern Munich pushton “Santiago Bernabeun” – fitore e madhe ndaj Real Madridit
Ndeshja e parë çerekfinale e Ligës së Kampionëve mes Real Madridit dhe Bayern Munichut dhuroi një spektakël të vërtetë futbolli, me ritëm të lartë dhe raste të shumta shënimi. Në fund, bavarezët siguruan një fitore të rëndësishme 2-1, duke marrë avantazh minimal për ndeshjen e kthimit.
Që në minutat e para, Bayern Munich u shfaq më kërkues. Vetëm në minutën e 2-të, Konrad Laimer u gjend në një pozicion premtues në kufijtë e zonës, por goditja e tij përfundoi mbi portë. Presioni vazhdoi dhe në minutën e 9-të, Dayot Upamecano ishte shumë pranë golit, por një ndërhyrje vendimtare e mbrojtjes së Real Madridit shpëtoi situatën mbi vijën fatale.
Real Madridi reagoi në minutën e 16-të, kur Kylian Mbappé provoi me një goditje të rrezikshme, por Manuel Neuer bëri një pritje fantastike. Vetëm dy minuta më pas, edhe Vinicius Junior testoi portierin gjerman me një goditje nga distanca, por Neuer ishte sërish në lartësinë e detyrës.
Madrilenët fituan disa goditje këndi në vazhdim, por pa arritur të konkretizojnë. Kur dukej se pjesa e parë do të mbyllej pa gola, në skenë doli Bayern Munich. Në minutën e 41-të, Luis Diaz realizoi pas një asistimi të Serge Gnabry, duke i dhënë epërsinë 0-1 skuadrës gjermane.
Në pjesën e dytë, Bayern Munich tregoi agresivitet të menjëhershëm. Në minutën e 46-të, Harry Kane shënoi nga një goditje nga jashtë zone pas asistit të Michael Olise, duke dyfishuar avantazhin për 0-2.
Real Madrid reagoi menjëherë dhe pati disa raste të forta, Mbappé, Vinicius Junior dhe Eder Militao krijuan kërcënime brenda zonës.
Rastet e tjera të mira për Real Madridin erdhën në minutën e 61 dhe 68, kur Vinicius dhe Mbappé provuan goditje brenda zonës, por portieri bavarez dhe mbrojtja shpëtuan situatën.
Ndërkohë, Bayern nuk pushonte, me Michael Olise që u përpoq në minutat 48 dhe 63, por Lunin ishte në vend dhe refuzoi golin.
Në minutën e 74-të, Kylian Mbappé shënoi për 1-2 pas një pasimi të Trent Alexander-Arnold, duke ndezur shpresat e Real Madrid për barazim, por skuadra e tij nuk arriti të gjejë golin e dytë.
Nga ky gol, kishte shumë raste të mira nga të dyja anët, por sulmuesit nuk ishin të saktë.
Ndeshja përfundoi 2-1 për Bayern Munich, duke i dhënë atyre avantazhin minimal për ndeshjen e kthimit në Allianz Arena, ndërsa Real Madrid do të duhet të shënojë në Gjermani për të mbajtur ëndrrën gjallë në Ligën e Kampionëve.
