Friday 20 November 2026
Advertisement
Advertisement
TV Gjilani TV Gjilani
  • Kreu
  • Lajme
  • Sport
    • Basketboll
      • NBA
      • Superliga e Kosovës
    • Futboll
      • Superliga e Kosovës
      • Champions League
      • Europa League
      • Konferencë League
  • Kulturë
    • Teatër
    • Film
    • Letërsi
    • Arte Pamore
  • Shëndeti
  • Marketing
    • Automjete
    • Banesa
    • Konkurse
    • Lajmërime
    • Lokale
    • Njoftime
    • Pajisje teknologjike
    • Shitëblerje
    • Shpallje
    • Shtëpi
    • Telefona
    • Troje
logo
Edit Content
TV Gjilani TV Gjilani
  • most recent news
  • trending news
  • most read
  • All Video
  • Image gallery
  • more
Teknologji

Amazing Model On Site

15 June 2021
Teknologji

Beauty Model Working on

15 June 2021
Teknologji

Victoria’s Secret Afterparty Goes

15 June 2021
Teknologji

Sisters Land Fashion Role

15 June 2021
Teknologji

Best Dressed Men in

15 June 2021
Sport

Të dielën do të

8 July 2021
  • Accessibility
  • Help
  • Contact
  • About qoxag

Lajmi i Fundit

Infantino me dy rivalë në garën për president të FIFA-s

Parashikimi i motit për të premten, 20. 11. 2026

Në Munich të Gjermanisë, ndahet nga jeta Nazim Sadriu nga Dobrosini, me vendbanim në Gjilan

Ndahet nga jeta Rexhep Hamiti, ish-kryetar i Gjilanit dhe ish-deputet

Diplomojnë studentët e parë të programit Master “Mësimdhënie e Gjuhës Angleze” në UKZ

Kurti paralajmëron rrezikimin e Lojërave Mesdhetare, kritikon mospajtimet me Prishtinën – “libri me të cilin

Drejtuesit e Spitalit të Gjilanit vizitojnë Preshevën, Sinani shpreh mirënjohje për shërbimet ndaj qytetarëve të

UKZ zgjeron partneritetet akademike në Rumani ku është nënshkruar marrëveshja Erasmus+ KA171 me Valahia University

U mbajt mbledhja e dhjetë e rregullt e Komitetit për Politikë dhe Financa në Viti

Gjilan: Mbledhje përkujtimore në njëvjetorin e ndarjes nga jeta të Nijazi Ramadanit

 Universiteti Publik “Kadri Zeka” nderon Bernd Ulrich Nestle me titullin “Doctor Honoris Causa”
Lajme

Universiteti Publik “Kadri Zeka” nderon Bernd Ulrich Nestle me titullin “Doctor Honoris Causa”

7 April 2026 0 Comment 17 min read

AA

Universiteti Publik “Kadri Zeka” në Gjilan ka mbajtur ceremoninë solemne të ndarjes së titullit të lartë akademik “Doctor Honoris Causa” për z. Bernd Ulrich Nestle, në shenjë vlerësimi për kontributin e tij të jashtëzakonshëm në zhvillimin e sistemit shëndetësor dhe në mbështetjen e pacientëve në Republikën e Kosovës, si dhe për përkushtimin ndaj zhvillimit arsimor dhe forcimit të bashkëpunimit ndërinstitucional ndërmjet Kosovës dhe Gjermanisë.

Fillimisht, z. Bernd Ulrich Nestle u prit nga Rektori Dërmaku dhe stafi i tij. Ai u shoqërua në ambientet e Rektoratit, ku u nënshkrua në Librin Amë të Universitetit, një akt simbolik që i parapriu ceremonisë zyrtare të nderimit.

Në hapje të ceremonisë, pas intonimit të Himnit të Kosovës, Himnit Kombëtar dhe Himnit të Gjermanisë, Rektori i Universitetit Publik “Kadri Zeka”, Prof. Asoc. Dr. Artan Dërmaku, theksoi rëndësinë e këtij vlerësimi për institucionin dhe shoqërinë. Ai u shpreh se kjo është një ditë e veçantë për universitetin, pasi nderohet një personalitet që përfaqëson vlera të larta humanitare dhe profesionale.

“Sot është një ditë e veçantë për Universitetin Publik “Kadri Zeka” në Gjilan, një ditë në të cilën ne jo vetëm nderojmë një personalitet të shquar, por edhe afirmojmë vlerat mbi të cilat ndërtohet misioni ynë akademik dhe shoqëror. Z. Bernd Ulrich Nestle përfaqëson shembullin e rrallë të bashkimit të shkencës me humanizmin, duke dhënë kontribut të jashtëzakonshëm në sistemin shëndetësor të Kosovës dhe në mbështetjen e pacientëve,” u shpreh Rektori. Ai gjithashtu vlerësoi rolin e Nestle në forcimin e bashkëpunimit Kosovë–Gjermani dhe në zhvillimin e arsimit dhe kapitalit njerëzor.

Në vazhdim të ceremonisë, fjalë rasti mbajti Rektorja e IBCM-së, znj. Mihane Kerolli, e cila vlerësoi rëndësinë e bashkëpunimit akademik dhe ndërinstitucional dhe theksoi se figura të tilla kontribuojnë në ndërkombëtarizimin e arsimit të lartë në Kosovë.

Më pas, kryetari i Bordit Këshillëdhënës Industrial në universitet, z. Ibrahim Krivaqa, u drejtua të pranishmëve me një fjalë rasti, duke vlerësuar kontributin e laureatit në fushën e shëndetësisë dhe në mbështetjen e iniciativave zhvillimore dhe profesionale në vend.

Në vijim, Laudatori i ceremonisë, Prof. Dr. Dukagjin Leka, prezantoi veprimtarinë profesionale dhe humanitare të z. Nestle, duke theksuar angazhimin e tij shumëvjeçar në përmirësimin e sistemit farmaceutik dhe shëndetësor në Kosovë, si dhe rolin e tij në ndërtimin e urave të bashkëpunimit me institucionet gjermane dhe evropiane.

Më pas, Prorektorja për Mësimdhënie dhe Çështjeve të Studentëve, Hulumtime dhe Kërkime Shkencore, Porf. Ass. Dr. Lindita Loku Nikqi , lexoi vendimin e Senatit të Universitetit Publik “Kadri Zeka” për ndarjen e titullit “Doctor Honoris Causa” për z. Bernd Ulrich Nestle.

Në pjesën solemne të ceremonisë, të shoqëruar nga himni akademik “Gaudeamus”, Rektori i Universitetit i dorëzoi z. Nestle diplomën e titullit “Doctor Honoris Causa”, të cilën ai e pranoi me mirënjohje të thellë, nën duartrokitjet e të pranishmëve.

Në vijim, z. Bernd Ulrich Nestle mbajti fjalën e tij si laureat, duke shprehur falënderime të sinqerta për nderimin dhe duke ndarë kujtime personale mbi lidhjen e tij me Kosovën, si dhe përkushtimin për të vazhduar bashkëpunimin në fushën e shëndetësisë, arsimit dhe shkëmbimeve ndërinstitucionale. Ai theksoi se angazhimi i tij me Kosovën nuk është vetëm profesional, por edhe thellësisht njerëzor, duke vlerësuar vendin dhe njerëzit e tij si burim frymëzimi dhe motivimi të vazhdueshëm.

Pas ceremonisë së ndarjes së titullit, programi vazhdoi me një interpretim artistik nga solistja Eliesa Bajrami, e shoqëruar nga korepetitori prof. Xhentian Jetishi, të cilët interpretuan veprat “Këngët e vendit tim” dhe “Moj e bukura More”.

Ceremonia u përmbyll me urimet për laureatin, duke vlerësuar këtë Ceremoni të rëndësishme për Universitetin Publik “Kadri Zeka” në Gjilan dhe për bashkëpunimin akademik dhe humanitar ndërmjet Kosovës dhe Gjermanisë.

Share This:

Tags: UKZ
Previous post
Next post
Vali Ranch Resort
Exkluzive! – Restaurant Accorn – Makresh – Gjilan
Më të Rejat
Lajme

Infantino me dy rivalë në garën për

20 November 2026
Lajme

Parashikimi i motit për të premten, 20.

19 November 2026
Futboll

Pochettino mbërrin në Manchester dhe nis aventurën

19 November 2026
Lajme

Në Munich të Gjermanisë, ndahet nga jeta

19 November 2026
RELATED Stories for you
Lajme

Diplomojnë studentët e parë të programit Master

19 November 2026

Në Programin Master “Mësimdhënie e Gjuhës Angleze” të Fakultetit të Edukimit në Universitetin Publik

Lajme

UKZ zgjeron partneritetet akademike në Rumani ku

19 November 2026

Universiteti Publik “Kadri Zeka” në Gjilan po vazhdon të konkretizojë angazhimin për zgjerimin e

Lajme

Përfaqësuesit e studentëve të UKZ-së kontribuojnë në

11 November 2026

Universiteti Publik “Kadri Zeka” në Gjilan ka prezantuar kontributin dhe të arriturat e tij

TV Gjilani TV Gjilani

Adresa: Rr. Abdullah Tahiri, p. n, Gjilan, Kosovë.

Tel. +383 44 304 901

Impressum

Kategoritë

Lajme
Sport
Kulturë
Shëndeti

Marketing

Marketing
Shpallje

info@tvgjilani.com

Na ndiqni

©2026. All Right Reserved. TV Gjilani. All rights reserved. Portali Tv Gjilani. com mirëmbahet nga Kompania e Produksionit dhe Botimeve B. I. “Sfinga 07”. Të gjitha materialet e botuara dhe informacionet në këtë portal nuk mund të kopjohen ose botohen gjetiu, e as nuk mund të shtypen e të shfrytëzohen në mënyrë apo formë tjetër, ose për qëllime përfitimi, pa marrë miratimin paraprak nga Tv.Gjilani.com Për shfrytëzimin apo përdorimin e materialeve nga Tv Gjilani.com, secili është i obliguar të marrë aprovimin paraprak dhe të pranoj kushtet e cekura si më lart. Website by Hostinkos.