Përmirësimi i transportit të nxënësve, prioritet i Drejtorisë së Arsimit në Kamenicë
Drejtori i Arsimit, Selami Klaiqi, së bashku me stafin e tij, kanë mbajtur takim ku diskutuan në detaje për rolin dhe rëndësinë e transportit të nxënësve që ofrohet nga Komuna.
Gjatë këtij takimi u theksua se duke filluar nga muaji shtator linjat e transportit do të organizohen në mënyrë më efikase me qëllim që të sigurohet qasje e barabartë në arsim për të gjithë nxënësit.
Po ashtu u diskutua edhe për rritjen e nivelit të sigurisë gjatë transportit, përfshirjen në barazinë sociale si dhe lehtësimin e barrës financiare për familjet.
Drejtoria e Arsimit mbetet e përkushtuar që përmes këtyre masave të krijojë kushte më të mira dhe më të sigurta për të gjithë nxënësit e komunës.
