Sot përplasen pretendentët për titull: Ballkani–Drita ndez Superligën në orën 13:00
Superliga e Kosovës në Futboll vazhdon sot me ndeshjet e xhiros së 24-të, ku në program janë dy përballje që pritet të nisin nga ora 13:00.
Vëmendja kryesore e kësaj jave do të jetë në Suharekë, ku përballen dy pretendentët për titull, FC Ballkani dhe FC Drita.
Dy skuadrat që kryesojnë garën për titull ndahen vetëm me tri pikë në tabelë. Aktualisht, gjilanasit e Dritës mbajnë vendin e parë, ndërsa Ballkani renditet në pozitën e dytë.
Skuadra nga Suhareka synon fitore për t’u barazuar me pikë në krye të tabelës, ndërsa Drita do të kërkojë tri pikë për ta thelluar diferencën në gjashtë pikë dhe për të konsoliduar pozitën e liderit.
Ndërkohë, ndeshja tjetër e ditës zhvillohet në Klinë, ku KF Dukagjini është nikoqir i KF Llapi.
Të dyja takimet e kësaj xhiroje në elitën e futbollit kosovar do të nisin nga ora 13:00.
