KAOS TE VUSHTRRIA, FUTBOLLISTËT NUK DALIN NË FUSHË NDAJ BALLKANIT!
Vushtrria nuk është paraqitur në fushë për ndeshjen e xhiros së 11-të të Superligës ndaj Ballkanit, e cila ishte paraparë të zhvillohej sot nga ora 14:00 në stadiumin “Zahir Pajaziti” në Podujevë.
Shkak i bojkotit është bërë vonesa prej 20 ditësh e pagës së fundit të futbollistëve, të cilën e ka pranuar edhe drejtuesit e klubit.
“Pavarësisht këtyre zotimeve, lojtarët nuk pranuan të luanin në ndeshjen e sotme”, thuhet në reagimin e klubit.
Si pasojë, Vushtrria rrezikon ta humbasë ndeshjen me rezultat zyrtar 3-0, ndërsa vendimi përfundimtar i takon organeve kompetente të FFK-së.
Vushtrria ndodhet në vendin e fundit me vetëm 3 pikë nga 10 ndeshje, duke kaluar një periudhë të vështirë si në aspektin sportiv, ashtu edhe financiar.
