Drita i falet mbrojtësve, fiton me rikthim në udhëtim te Ferizaj
Drita ka arritur të rikthehet te fitoret për ta mposhtur Ferizajn me rezultat 1-2.
Pjesa e parë ka qenë shumë e qetë dhe edhe e varfër sa i përket rasteve të shënimit.
Dy skuadrat luanin me kujdes të madh dhe 45 minutat e para të kësaj sfide u mbyllën ashtu siç filluan me rezultat të pastër 0-0.
Ndërkohë në pjesën e dytë vendasit nisën më mirë duke gjetur edhe golin e epërsisë pasi kaluan një orë lojë.
Albion Kurtaj asistoi te zëvendësuesi Betim Haxhimusa i cili shënoi për 1-0.
Megjithatë gëzimi i vendasve nuk zgjati më shumë se tetë minuta, kur Arb Manaj fitoi penallti të cilën në gol e shëndrroi Besnik Krasniqi për 1-1.
Drita bëri rikthimin e madh katër minuta më vonë, kur Besnik Krasniqi harkoi bukur në zonë derisa Egzon Bejtullai realizoi me kokë për 1-2.
Blerim Krasniqi lëshoi dy raste të mira shënimi në vazhdim, por që më gola nuk pati dhe Drita arkëtoi tre pikë të mëdha.
Gjilanasit tani janë lider me 25 pikë në renditje, derisa Ferizaj mbetet në pozitën e parafundit me 14 sosh.
Ndeshjen e radhës Ferizaj e zhvillon në udhëtim te Suhareka, derisa Drita pret Llapin në derbin e xhiros së 14-të.
