Kryetari Haliti nënshkruan marrëveshje bashkëpunimi me Fondacionin Kosovë -Luksemburg, pritet mbështetja fillestare për tri fshatra
Kryetari i Komunës së Vitisë, Sokol Haliti ka nënshkruar sot marrëveshje bashkëpunimi me Fondacionin Kosovë – Luksemburg në kuadër të projektit “Zhvillimi i komuniteteve”.
Me këtë rast kryetari Haliti, u shpreh se bashkëpunimi në mes të komunës me këtë fondacion është i gjatë dhe ju jam mirënjohës atyre për këtë bashkëpunim.
“ Kemi një bashkëpunim të gjatë dhe të mirë me Fondacionin Kosovë-Luksemburg. Unë jam falënderues për stafin menaxherial të këtij fondacioni por edhe për financuesit e saj si dhe për qeverinë e Luksemburgut dhe atë për ndihmën e vazhdueshme për rajonin sidomos për komunën e Vitisë dhe atë në shumë projekte”, u shpreh kryetari Halit, duke përmendur në veçanti projektet të realizuara në fushën e arsimit dhe në bujqësisë në këtë komunë.
Haliti gjithashtu bëri me dije se aktualisht janë pjesë e kësaj marrëveshje tri fshatra por sipas tij, do të shihen mundësitë që të përfshihen edhe dy fshatra të tjera të cilat kanë konkurruar.
Ndërkaq Izjah Ademi, përfaqësues i Fondacionit Kosovë-Luksemburg, tha se bashkëpunimi i këtij fondacioni me komunën e Vitisë është i shkëlqyeshëm, duke potencuar më tej se më herët në këtë komunë janë realizuar disa projekte.
Ai vuri në dukje poashtu se shpreson që me ndihmën e kryetarit do të vazhdojnë t’i përkrahin edhe 3 fshatrat tjera.
