Zgjedhjet në Veriun e Kosovës: Katër votues deri më tani, në shkollën e fshatit të kryetarit të Zubin Potokut
Katër persona kanë votuar deri më tani në Shkollën “Osman Rama” në Çabër – fshatin e kryetarit të Zubin Potokut, Izmir Zeqirit.
Sot po votohet për ose kundër shkarkimit të katër kryetarëve të komunës së Mitrovicës së Veriut, Leposaviqit, Zubin Potokut dhe Zveçanit.
Numri i Qendrave të Votimit në komunën e Leposaviqit është 8, në Zubin Potok 5, në Zveçan 5 dhe në Mitrovicën e Veriut 5.
Në përgjithësi, numri i Qendrave të Votimit në këto katër komuna është 23, me gjithsej 63 vendvotime.
