Dezinfektohet, dezinsektohen dhe deratizohet Kamenica!
Qytetarët e Komunës së Kamenicës janë njoftuar sot përmes rrjeteve sociale e mediave online se fillon procesi i dezinfektimit, dezinsektimit dhe deratizimit hapësinor (DDD).
Ky proces do të fillojë nga ora 20:00 në mbrëmje në tërë Komunën e Kamenicës, dhe pritet të vazhdoj edhe nesër.
Përmes faqes së saj, komuna e Kamenicës ka njoftuar, duke lutur qytetarët njëkohësisht që të jenë të gatshëm për këtë proces dhe të marrin masat adekuate nëpër ekonomitë e tyre familjare.
“Luten të gjithë qytetarët që të kenë kujdes, t’i mbyllin dyert dhe dritaret në kohën e mbrëmjes kur edhe fillon procesi. Po ashtu edhe nga bletarët kërkohet që t’i mbyllin kosheret e bletëve sot dhe nesër në mbrëmje derisa të përfundoj ky process”, thuhet në njoftim.
