Delegacioni i Luginës së Preshevës për vizitë në Bruksel
Një delegacioni nga Lugina e Preshevës, sot fillon në Bruksel një vizitë treditore dhe do të zhvillojë takime në Parlamentin Evropian dhe Këshillin Evropian.
Lajmin e ka bërë të ditur Këshilltarja e kryeministrit të Kosovës për Luginën e Preshevës, Ardita Sinani.
“Nga nesër, së bashku me anëtarët tjerë të delegacionit nga Lugina e Preshevës, do të jemi në vizitë 3 ditore në Bruksel për të ngritur problematikën e shqiptarëve të Preshevës, Medvegjës e Bujanocit në Parlamentin Evropian dhe Këshillin e Evropës. Për tre ditë në Strasburg do të zhvillojmë 12 takime me udhëheqësit më të lartë të Këshillit të Evropës dhe Parlamentit Evropian”, ka shkruar Sinani.
Sipas saj, pozita e vështirë e pakicës shqiptare në Serbi dhe diskriminimi konsistent do të jenë thelbi dhe tema kryesore e këtyre takimeve jashtëzakonisht të rëndësishme.
“Kushtëzimi i rrugëtimit të Serbisë në integrimet evropiane do të duhej të kushtëzohej me realizimin dhe plotësimin e të drejtave të shqiptarëve në Serbi në përgjithësi, e në veçanti në komunat Preshevë, Medvegjë e Bujanoc. Zgjidhja më afatgjate dhe më e duhura do të ishte implementimi i reciprocitetit në të drejta të serbëve që jetojnë në Kosovë dhe shqiptarëve në Serbi”, ka shtuar Sinani.
Në takime do të ngritët problematika e shqiptarëve të Preshevës, Medvegjës e Bujanocit.
