Albi Mall Superliga: Drita mysafire te Prishtina, Gjilani udhëton në Drenicë
Albi Mall Superliga e Kosovës vazhdon me ndeshjet e xhiros së 21-të në mesjavë.
E padyshim që dueli më interesant i kësaj xhiro zhvillohet ai mes Prishtinës dhe Dritës. Kryeqytetasit pas dy humbjeve radhazi synojnë të rikthehen te fitoret të mërkurën, derisa Drita pas fitores 5-1 ndaj Dukagjinit kërkon vazhdimësinë e rezultateve pozitive.
Sfida mes Prishtinës dhe Dritës zhvillohet në stadiumin ‘Sami Kelmendi’ në Lipjan.
Duel tejet interesant të mërkurën zhvillohet edhe në mes Drenicës dhe Gjilanit. Drenica luajti shumë mirë këtë të diele, por në fund u mposht nga Ballkani me rezultat 2:1, derisa Gjilani në dy ndeshjet e para në këtë stinor të luajtura në fushë të vet, nuk arriti më shumë se pikë, duke barazuar me Ferizajn (0:0) dhe me Malishevën (2:2).
Lideri në tabelëm, Ballkani do të udhëtoj në Mitrovicë, për t’u përballur në një sfidë të paparashikueshme me Trepça ’89, e cila skuadër di të befasoj me lojë e rezultat.
Fare të paparshikueshme janë edhe dy takimet tjera të mesjavës: Malisheva – ferizaji e Dukagjini – Llapi, skuadra këto që pikët e inkasuara në duele të drejtpërdrejta u janë më se të dëshirueshme e patjetërsueshme.
