Kamenica zgjedhë sportistët e vitit, reagon Klubi i Atletikës “Rogana”
Pasi Drejtoria Komunale për Kulturë, Rini e Sport në Kamenicë ka publikuar rezultatet e zgjedhjes së sportistëve më të mirë të vitit 2022, ka reaguar ashpër Klubi i Atletikës “Rogana” nga Roganqa e kësaj komune, përmes një njoftimi publik.
R e a g i m i i p l o t ë
Sot është mbajtur zgjedhja e sportistit të vitit në Kamenicë. Nën përkujdesjen e Drejtoreshës për Kulturë Rini dhe Sport Rinë Matoshi. Zyrtarëve sportiv dhe një komisioni “super profesional”, pra sot qëllimshëm dhe me një skenar të përgaditur mirë është dëmtuar klubi ynë nga zyrtari per sport Agim Avdullahu me të gjithë zyrtarët e tjerë pa dallim të cilët si duket janë lodhur nga sukseset tona dhe pikërisht sot ishin bërë bashkë për të dëmtuar një klub që ka bartë barrën kryesore të sportit Kamenicas dhe jo vetëm.
Për çudi këta zyrtarë nuk e paskan ditur që në komunën e tyre është vetëm një klub që është shpallur kampion shtetëror në kategorinë kryesore, pra në kategorinë e Seniorëve jo të fatosave apo juniorëve.
Për të arritur kët sukses duhet shumë vite punë e sakrificë, duhet kaluar shumë kategori për të konsuliduar një ekip, një ekip që në gjirin e saj ka më së shumti reprezentues shtetëror.
Sa për informim gjatë vitit 2022 ishin edhe Lojërat Mediterane” Mediteran Game”, në Oran të Algjerisë, ku atleti ynë Astrit Kryeziu ishte pjesë e ekipit olimpik të Kosovës, por, nuk ishte pjesë e këtij ekipi edhe sportisti i zgjedhur nga ky komision “profesional” pra nuk ishte pjesë e përzgjedhjes nga sporti përkatës po ashtu nuk bën pjesë në ligen kryesore të sportit përkatës.
Ky komision me vetëdije të plotë dëmton një sport olimpik dhe përzgjedhin një sport jo olimpik në bazë të kriterit “bangladesh” thjeshtë këtu ka dominuar kriteri injorim, përbuzje dhe vërtetim i asaj çfarë kanë punuar këta zyrtarë që prej themelimit te klubit të Atletikës “Rogana”, duke u munduar të pengojnë në çdo aspekt, duke minimizuar sukseset tona aty ku kanë mundur, pra puna më e madhe e tyre ka qenë mos puna.
Neve si klub fare nuk na mungojnë trofe të tilla, mbase e dijnë të gjithë rrugëtimin e sukseset tona, por këtë reagim po e bëjmë për hir të opinionit dhe komunitetit sportdashës. që t’u tregojmë se deri ku janë në gjendje të shkojnë ata që tër jetën e tyre nuk kanë pasur një sukses të vetëm dhe nga mllefi dhe egoja e tyre dëmtojnë vlerat sportive, dëmtojnë një klub që është identitet i sportit të komunës dhe shtetit, po këta zyrtarë sukseset tona i kanë përdorë si leje hyrëse në nivel qëndror sa herë që u ka dashtë.
Nëse ka dikush që është provuar me evente të tilla në nivel qëndror dhe jo vetëm – jemi ne, kemi kaluar lloj lloj komisionesh dhe jemi në dijeni se çfarë janë kriteret, si përcaktohen ato, si rangohen sportet olimpike dhe jo olimpike në nivel kombëtarë dhe ndërkombëtarë, si rangohen nivelet e kompeticioneve të ndryshme etj.
Ju mund të shkoni edhe më larg se kaq, por një gjë duhet ta dini që rrugën tonë drejtë suksesit nuk mund ta ndalni, pra juve ju ka penguar gjithmonë maratona jonë e gjatë dhe karvani i sukseseve – kaherë ju ka prishur ora së punuari.
Krejt në fund, Drejtoreshë nese ke hy në këtë dikaster vetëm pritë e percjill vaj halli për ju. Hulumto pak edhe vet, mos prit çka të servojnë varësit tuaj “profesional”, shkruhet në reagimin e Klubit të Atletikës “Rogana”.
