Krenaria e Anamoravës shkëlqen në Slloveni – Leon Thaqi konfirmon formën e jashtëzakonshme
Atleti nga Rogana e Dardanës, Leon Thaqi, vazhdon të dëshmojë se është ndër talentet më premtuese të atletikës kosovare. Në mitingun e zhvilluar sot në Slloveni, ai zhvilloi një tjetër garë të shkëlqyer, duke konfirmuar formën e tij në ngritje.
Edhe pse gara në 400 metra nuk është disiplina e tij kryesore, Leoni e përshkoi distancën për 47.75 sekonda, duke u renditur i katërti në një konkurrencë shumë të fortë ndërkombëtare.
Ky rezultat është një tregues i qartë se përgatitjet po ecin sipas planit dhe se forma sportive e atletit nga Rogana është në nivel shumë të lartë. Me disiplinën e tij kryesore ende përpara, pritshmëritë për rezultate edhe më të mëdha janë plotësisht të arsyeshme.
Klubi i Atletikës Rogana, i njohur për nxjerrjen e disa prej atletëve më cilësorë që ka pasur Kosova në tri dekadat e fundit, vazhdon të dëshmojë se është një vatër e kampionëve dhe krenari e Anamoravës.
Urime Leon Thaqit për këtë paraqitje të shkëlqyer! Rogana, Dardana, Anamorava dhe e gjithë Kosova krenohen me përkushtimin, disiplinën dhe sukseset e tij.
Mirënjohje e veçantë edhe për sponsorin gjeneral Ndërtimi Premium, si dhe për Brickos SHPK dhe Kofix SHPK, të cilët vazhdojnë të jenë mbështetës të rëndësishëm në rrugëtimin drejt sukseseve të reja.
