Weghorst përshëndetet me gol me tifozët e Besiktasit, transferimi te United çështje ditësh
Wout Weghorst ka shënuar golin e fundit me fanellën e Besiktasit, pasi largimi i tij nga Stambolli është çështje orësh.
Sulmuesi holandez ka vetëm gjashtë muaj në skuadrën turke si i huazuar nga Burnley, por huazimi i tij një vjeçar do të ndërpritet në gjysmë.
Manchester United ka kontaktuar Burnleyn duke kërkuar huazimin e holandezit i cili paraprakisht ka dhënë dritën e gjelbër për të luajtur pjesën e mbetur të sezonit në Old Traford.
30-vjeçari ka shkëlqyer me fanellën e Besiktas këtë sezon, ku në 18 ndeshje ka shënuar nëntë gola e ka asistuar në katër të tjerë.
Erik Ten Hag ka kërkuar nga drejtuesit e klubit të afrojnë me çdo kusht bashkëkombësin e tij dhe tanimë bisedimet me Burnleyn kanë avancuar.
Nga ana tjetër sulmuesi shtatlartë ka shënuar golin e fundit me fanellën e Besiktas në fitoren 2-1 ndaj Kasimpasas.
Werghost pas shënimit të golit u përshëndet me tifozët duke i falënderuar për mbështetjen dhe duke i shprehur dashurinë me duar.
Sky Sport ka raportuar se gjatë ditëve të para të javës së ardhshme Werghost pritet të zyrtarizohet si lojtar i ri i United, me Djajtë e Kuq që do ta marrin atë në huazim me të drejtë blerje në fund të sezonit.
