Sulm me armë zjarri në Shtëpinë e Bardhë, i dyshuari plagoset nga agjentët
Të shtëna me armë janë raportuar pasditen e kësaj të hënë pranë Shtëpisë se Bardhë në Shtetet e Bashkuara të Amerikës duke detyruar Shërbimet Sekrete që të përfshihen në një përplasje te e armatosur duke lënë një person të plagosur.
Policia njoftoi se personi i plagosur ishte i vetëdijshëm në momentin që u mor nga vendngjarja për t’u transportuar më pas në spital. Ndërkohë, për shkak të incidentit, Shtëpia e Bardhë u vendos përkohësisht në izolim sigurie, (lockdown), sipas raportimeve të Associated Press.
Gazetaret që ndodheshin jashtë ambienteve të Shtëpisë së Bardhë vrapuan për t’u strehuar në sallën e Konferencës për shtyp.
Autoritetet kanë marrë masa për bllokimin e disa rrugëve në zonë pranë Shtëpisë së Bardhë, ndërsa drejtuesit e automjeteve u këshilluan të përdorin rrugë alternative për të shmangur vonesat.
Hetimet për zbardhjen e plotë të ngjarjes vijojnë. /abcnews
