Spitali i Gjilanit organizon kontrolle falas për melanomën më 22 maj
Kontrollat do të kryhen nga dermatologët në kuadër të fushatës për vetëdijesim dhe diagnostikim të hershëm të kancerit të lëkurës
Spitali i Përgjithshëm i Gjilanit i bashkohet fushatës kombëtare kundër melanomës duke ofruar kontrolle falas për qytetarët.
Melanoma është forma më serioze e kancerit të lëkurës, por nëse zbulohet me kohë mund të shpëtojë jetë. Pikërisht për këtë arsye, vetëdijesimi dhe diagnostikimi i hershëm janë thelbësore për rritjen e mundësisë së shërimit.
Në kuadër të kësaj fushate, Spitali i Gjilanit do të organizojë kontrolle falas për nishane dhe ndryshime të lëkurës më datë 22.05.2026, në dy intervale kohore: 10:00–11:00 dhe 13:00–14:00.
Kontrollat do të zhvillohen në ambulancën dermatologjike nga doktoreshat:
- Dr. Ibadete Haziri
- Dr. Dafina Devaja
- Dr. Ajshe Shurdhani
Spitali fton të gjithë qytetarët të përfitojnë nga kjo mundësi për kontrollë preventive dhe për kujdes më të mirë ndaj shëndetit të lëkurës.
