Shoqata “Bereqeti” e KBI në Gjilan, shpërndajnë mish të Kurbanit në shenjë solidariteti e humaniteti
Këshilli i Bashkësisë Islame në Gjilan, përmes Shoqatës Humanitare “Bereqeti” – dega në Gjilan, ka filluar sot shpërndarjen e mishit të kurbanit.
Në këtë fazë të parë, janë shpërndarë 30 pako me mish kurbani për 60 familje në nevojë, si shenjë solidariteti dhe përkujdesjeje ndaj shtresave më të ndjeshme të shoqërisë.
Koordinatori i Shoqatës “Bereqeti”, Iljaz ef. Mustafa, theksoi se shpërndarja do të vazhdojë edhe në ditët në vijim, sipas planifikimit të bërë nga Këshilli, me qëllim që ndihma të arrijë te sa më shumë familje në nevojë.
