NPL TREGU SH.A. – Përkushtim dhe mbështetje për punëtorët tanë
Në kuadër të përgatitjeve për sezonin vjeshtor, më datë 7 tetor, janë shpërndarë uniformat e reja për kolegët tanë të angazhuar në mirëmbajtjen e hapësirave publike.
– Kjo është një shenjë e përkushtimit dhe kujdesit ndaj punëtorëve tanë, të cilët çdo ditë angazhohen për mirëmbajtjen, pastërtinë dhe mbarëvajtjen e hapësirave publike dhe të qytetit.
Shpërndarja e uniformave u mundësua falë angazhimit të drejtpërdrejtë të anëtarit të Komisionit të Aksionarëve në NPL TREGU, z. Fadil Ademi, njëherësh asambleist në Kuvendin Komunal, si dhe Kryeshefit Ekzekutiv të NPL TREGU, z. Bajram Isufi, të cilët, përmes donatorëve, kanë siguruar uniformat për kolegët tanë.
Me rastin e shpërndarjes së uniformave, z. Bajram Isufi falënderoi punëtorët e angazhuar në hapësirat publike për punën e tyre të palodhshme dhe për kontributin e vazhdueshëm në mirëmbajtjen dhe pastërtinë e qytetit.
– Ai theksoi se përkrahja dhe mbështetja e NPL TREGU për punëtorët do të vazhdojë edhe në të ardhmen, me synim krijimin e kushteve sa më të mira për punë dhe rritjen e cilësisë së shërbimeve ndaj qytetarëve.
Faleminderit për punën dhe përkushtimin tuaj!
NPL TREGU SH.A. – Për një qytet më të pastër dhe hapësira më të mirëmbajtura.
