Mbledhje e Kryesisë së Degës së LDK-së në Kamenicë
Nën udhëheqjen e Kryetarit të degës, Jeton Biqkaj, dhe në prani të kandidatit për Kryetar të Komunës së Kamenicës, Dr. Shaip Surdulli, u zhvillua mbledhja e radhës e Kryesisë së LDK-së në Kamenicë.
Gjatë këtij takimi u diskutua për ndërtimin e një platforme të qartë politike që reflekton vlerat e Lidhjes Demokratike të Kosovës dhe adreson realisht nevojat e qytetarëve të Kamenicës.
Në qendër të diskutimit ishte uniteti brenda strukturave të LDK-së – sic u theksua – si kusht i domosdoshëm për rikthimin e besimit qytetar dhe për garantimin e një qeverisje transparente, të përgjegjshme dhe zhvillimore.
“Vetëm të bashkuar mund ta realizojmë Kamenicën që duam”, ishte konstatimi i dalë nga kjo mbledhje e LDK-së, në degën e saj në Kamenicë.
