Lajmi trishtë, ndërron jetë artisti i madh, personaliteti i shquar i jetës kulturore, Nehat Ferati
Lajmi për vdekjen e artistit të shquar gjilanas, Nehat Ferati, aktivistin e devotshëm e humanistin e veçantë, Nehat Ferati, ka pikëlluar pa masë, para së gjithash familjarët e tij, mbarë komunitetin e artistëve, dhe mbarë qytetin e Gjilanit, veçmas ata që kishin fatin ta njihnin nga afër!
Kujtohet e nderohet nga miqë e kolegë:
Personaliteti i tij i hareshëm e pozitiv, i arsyeshëm në gjykime e i guximshëm në vendime, optimist në synime e realist në vlerësime, do të mbetet shëmbëlltyrë udhërrëfyese për të gjithë komunitetin, por edhe qytetin e më gjërë.
Lajmi për vdekjen e parakoshme të artistit të shquar të muzikës, veçmas asaj burimore popullore e folklorike, ka pikëlluar miqë e kolegë të shumtë të cilët I dedikojnë përkushtime e nderime nga më sublime, ashtu siç ishte shpirti I tij I bardhë!
Padyshim se lajmi i kobshëm për vdekjen e mikut dhe kolegut Nehat Ferati ka pikëlluar thellë edhe ne, për ç’gjë shprehim ngushëllimet më të sinçerta familjes e miqëve, dhe mbarë komunitetit të artistëve gjithandej.
Qoftë i përjetshëm kujtimi e nderimi njeri i madh!
Lamtumirë!
