Kryetari Hyseni: Nënshkruhet Memorandumi për ndërtimin e stadiumit sintetik të KF “Studenti” në Miresh
Kryetari i komunës, z. Hyseni, ka njoftuar se sot është nënshkruar Memorandumi i Mirëkuptimit me Ministrinë e Sportit për ndërtimin e stadiumit sintetik të klubit “Studenti” në Miresh.
Sipas tij, ky investim paraqet një hap të rëndësishëm për zhvillimin e sportit dhe për të rinjtë e komunës, duke realizuar një nevojë të kahershme të komunitetit sportiv.
Hyseni theksoi se KF “Studenti”, me mbi 50 vjet traditë në futboll, po merr vëmendjen dhe infrastrukturën që i takon.
Ai falënderoi Ministrin e Sportit, Blerim Gashanin, për mbështetjen e dhënë, si dhe Drejtorin për Zhvillim Ekonomik në komunë, Haki Huruglicën, për iniciativën për realizimin e projektit.
