Kryetari Haliti merr pjesë në “Takimet e Dom Mikelit 2025”
Kryetari i Komunës së Vitisë, Sokol Haliti, mori pjesë në manifestimin tradicional kulturor e shkencor “Takimet e Dom Mikelit 2025”, i zhvilluar në Stubëll të Epërme të Vitisë.
Edicioni i këtij viti u kushtua figurës së Luigj Gurakuqit, me temën “Luigj Gurakuqi – Shtetar dhe letrar”, në shënimin e 100-vjetorit të vrasjes së tij.
Kryetari Haliti theksoi rëndësinë e këtij aktiviteti, duke vlerësuar rolin e tij në ruajtjen e historisë dhe promovimin e figurave kombëtare, që sipas tij është një detyrë e përbashkët për të gjithë qytetarët.
