Hyseni nga Venecia: Gjilani partner, jo spektator i suksesit në Bienale– raporton TV Gjilani
Kryetari i Gjilanit, Alban Hyseni, së bashku me drejtorin për Kulturë, Rini e Sport, Kushtrim Zeqiri, dhe zyrtarin e Galerisë së Arteve, Din Azizi, po marrin pjesë në Bienalen e Venecias, një nga skenat më prestigjioze të artit botëror.
“Pak javë më parë, kur e pritëm Brilant Milazimin në zyrë, diskutuam për ëndrrën e tij dhe rrugëtimin drejt skenës më të madhe botërore. Sot, ajo ëndërr është realitet”, tha Hyseni.
Kryetari theksoi se Komuna e Gjilanit e ka mbështetur fuqishëm artistin në këtë rrugëtim dinjitoz. “Sot, kur Pavijoni i Kosovës hap dyert në Bienalen e Venecias, Gjilani nuk është thjesht spektator, por partner i këtij suksesi”, u shpreh ai.
“Brilant, suksese ty dhe gjithë ekipit. Gjilani sot feston bashkë me ju”, përfundoi kryetari Hyseni, duke e cilësuar këtë moment si historik për artin gjilanas dhe kosovar.
