Gjendet i gjallë pas tre ditësh në makinë, kishte rënë me makinë në lumë!
Një aksident rrugor mendohet të ketë ndodhur tre ditë më parë në aksin rrugor Bulqizë-Shupenzë në vendin e quajtur Ura e Çerenecit.
Siç shihet edhe nga pamjet makina tip Audi ka dalë nga rruga duke përfunduar në Zallin e Bulqizës.
Aksidenti është pikasur nga një kalimtarë ku dhe kanë njoftuar policinë dhe ambulancën të cilët kanë shkuar menjëherë në vendngjarje ku dhe kanë bërë të mundur nxjerrjen e drejtuesit të automjetit ku dhe e kanë dërguar drejt spitalit të Bulqizës për ti dhënë ndihmën e parë.
Burime pranë policisë bëjnë se drejtuesi i mjetit me origjinë nga Maqellara ishte shpallur në kërkim prej tre ditësh nga familjarët dhe sot personi është gjetur në makinë dhe është dërguar drejt spitalit të Bulqizës ku i është dhënë ndihma e parë dhe më pas e kanë nis drejt spitalit të traumës për një mjekim më të specializuar. Mendohet se aksidenti mund të ketë ndodhur para tre ditësh!
“Sot me datë 06.06.2025, rreth orës 18.30, shërbimet e Policisë kanë marrë njoftim se pranë rreth rrotullimit të Shupenzës, është gjetur nga disa banorë të zonës një automjet i përmbysur pranë lumit.
Menjëherë shërbimet e Policisë kanë shkuar në vendngjarje dhe nga verifikimet është identifikuar drejtuesi i automjetit shtetasi I.N., 35 vjeç, i cili ditën e djeshme ishte shpallur në kërkim, pasi babai i tij kallzoi se ishte larguar nga banesa.
35-vjeçari, është dërguar për ndihmë mjekësore në spitalin e Traumës. Grupi hetimor po punon për zbardhjen e rrethanave të këtij rasti”, sipas njoftimit të policisë.
