Dy futbollistë të SC Gjilani të ftuar te Kosova U-21
Yll Ibrahimi dhe Oltion Bilalli janë dy futbollistët e rinj të SC Gjilani, të cilët janë ftuar nga Kosova U-21, për ndeshjen e 10 shtatorit ndaj Izraelit.
Lajmin e ka bërë publik faqja zyrtare e SC Gjilani, ku theksohet se dy futbollistët tashmë janë grumbulluar me pjesën tjetër të të ftuarve të përfaqësues për ndeshjen e javës së ardhme, të vlefshme për kualifikuese për “Euro 2025”, për kategorinë U-21.
Njoftimi i plotë:
Thirrja e kombëtares!
Oltion Bilalli dhe Yll Ibrahimi do të jenë pjesë e seleksionit të përfaqësueses së Kosovës U21.
Futbollistët e klubit janë grumbulluar për ndeshjen kualifikuese të “Euro 2025” të cilën ekipi i 21 vjeçarëve të Kosovës do të luaj ndaj Izraelit në datën 10 shtator në Gyor të Hungarisë.
Klubi i uron Oltit dhe Yllit përfaqësim sa më dinjitoz me fanellën dardane.
Zyra për shtyp
4 Shtator, 2024
