Drejtori i Shërbimeve Publike: Projekti i bulevardit ka kaluar të gjitha fazat dhe filtrat e nevojshëm

Drejtori i Drejtorisë së Shërbimeve Publike në Komunën e Gjilanit, Kushtrim Ibrahimi, ka reaguar mes diskutimeve të ditëve të fundit rreth projektit të bulevardit dhe prerjes së drunjve në parkun e qytetit.

Përmes një postimi në rrjetet sociale, ai ka theksuar se projekti ka kaluar me sukses të gjitha fazat dhe procedurat e nevojshme, duke bërë të ditur se puna për realizimin e tij do të vazhdojë.

Ky reagim vjen në kohën kur projekti i bulevardit ka nxitur reagime të shumta në opinion, pasi një pjesë e tij parashihet të kalojë nëpër parkun e qytetit, çka ka sjellë edhe prerjen e një numri drunjsh.

Postimi i plotë i drejtorit Kushtrim Ibrahimi:

“Projekt që ka kaluar me sukses të gjitha fazat dhe filtrat e nevojshëm.

Vazhdojmë me transformimin e qytetit tonë – një proces që sapo ka filluar dhe që do të sjellë zhvillim, përmirësim të infrastrukturës dhe më shumë mundësi për të gjithë qytetarët.

Puna vazhdon!”