Derbi lokal pa tifozë! – Nikoqiri, SC Gjilani: “Nuk ka kushte, as tribuna!”
Ndeshja mbase më e rëndësihme e me jehonën më të madhe në futbollin e Kosovës ndër vite dhe dekada, derbi lokal Gjilani – Drita, edhe kësaj radhe do të zhvillohet pa praninë e publikut.
Kështu ka njoftuar faqja zyrtare e skuadrës së Zekerija Ramadani, SC Gjilani, duke saktësuar dhe konstatuar mungesën e kushteve adekuate për zhvillimin e këtij derbi aq të pritur, i cili, në pamundësi për t’u zhvilluar në Stadiumin e Qytetit për arsye tashmë të ditura botërisht, parashihet të zhvillohet në stadiumin alternativ sintetik.
Kjo për shkak të mbarëvajtjes sa më të mirë të vet derbit, e cila mbarëvajtje varet nga një varg faktorësh rrethanorë: – rivalitetin e theksuar; – situatën aktuale në tabelë; por edhe pozicionim e dy skuadrave në këtë fazë – kur kanë mbetur për t’u zhvilluar tri xhiro deri në fund të edicionit 2022/2023.
“Për shkak të kushteve jo të favorshme dhe mungesës së tribunave, takimi do të zhvillohet pa prezencën e tifozëve dhe qëndrimi afër stadiumit do të jetë i ndaluar për shikues.”
Në komunikatën zyratre të SC Gjilani potencohet edhe fakti i “akomodimit” të mediave, të cilave u saktësohet përcaktohet vendi, sipas mundësive që ofron stadiumi alternativ.
“Mediat do të vendosen në pjesën Qendrore të stadiumit, aty ku do të qëndrojnë edhe zyrtarët e klubeve. Parkingu brenda stadiumit do jetë i mbyllur, (përveç automjeteve zyrtare), dhe nuk do të lejohet parkingu i veturave afër hapësirave të stadiumit për shkak të sigurisë”, njofton Zyra për Informim e SC Gjilanit.
