Përparim Rama ironizon me Qeverinë: “Prishtinën e keni për punë, qeverinë e keni me ju bo llaf”
PRISHTINË, 19 Nëntor 2026 – Kryetari i Prishtinës, Përparim Rama, ka reaguar me ironi ndaj Qeverisë së Kosovës në fillim të ditës së re të punës.
Përmes një statusi në rrjetet sociale, Rama ka shkruar:
“Mirë mëngjesi. I ndezëm bagerët. Kryeqyteti Prishtina e keni për punë! Qeverinë e keni me ju bo ‘llaf’!”

Me këtë reagim, kryetari i kryeqytetit duket se aludon në punët komunale që po zhvillohen në Prishtinë, duke theksuar se puna e qytetit vazhdon, ndërkohë që sipas tij Qeveria merret më shumë me deklarata.
Statusi i Ramës vjen në një kohë kur marrëdhëniet mes Komunës së Prishtinës dhe Qeverisë qendrore kanë qenë të tensionuara për çështje të ndryshme që kanë të bëjnë me financimin dhe projektet në kryeqytet.

