Kori suedez “Motvalls” viziton Universitetin e Prishtinës
Kori suedez “Motvalls”, nga qyteti i Linköpingut, ka vizituar Rektoratin e Universitetit të Prishtinës, ku është pritur nga prorektorja për ndërkombëtarizim, prof. Rozafa Basha, dhe dekani i Fakultetit të Inxhinierisë së Ndërtimit, prof. Florim Grajçevci.
Gjatë takimit është diskutuar për rëndësinë e shkëmbimeve kulturore dhe ndikimin e artit e muzikës në afrimin e popujve dhe kulturave të ndryshme.
Vizita është vlerësuar si një mundësi për forcimin e lidhjeve miqësore dhe kulturore ndërmjet Kosovës dhe Suedisë, duke dëshmuar rolin e muzikës si urë bashkëpunimi dhe mirëkuptimi mes dy vendeve.
