Messi dërgon Argjentinën në finale, Spanja pret kampionët në duelin për titull
Argjentina është finalistja e dytë e Kampionatit Botëror 2026, pasi përmbysi Anglinë me rezultat 2-1 në një gjysmëfinale spektakolare.
“Albicelestët”, të udhëhequr nga Lionel Messi, treguan karakter të jashtëzakonshëm duke reaguar pas disavantazhit dhe duke përmbysur rezultatin për të siguruar biletën drejt finales së madhe.
Anglia kaloi e para në epërsi, por më pas u tërhoq në mbrojtje, duke ia lënë iniciativën Argjentinës. Vendimet e trajnerit Thomas Tuchel për të forcuar repartin defensiv nuk dhanë rezultatin e dëshiruar, pasi argjentinasit dominuan minutat vendimtare dhe realizuan dy gola për fitoren e madhe.
Me këtë sukses, Argjentina do të përballet me Spanjën në finalen e madhe të 19 korrikut, në një duel që pritet të jetë kulmi i Botërorit 2026. Ndërkohë, Anglia do të luajë ndaj Francës në ndeshjen për vendin e tretë.
