Investim i ri në NPL “Tregu” Sh.A
NPL “Tregu” Sh.A realizon një tjetër investim të rëndësishëm kapital
NPL “Tregu” Sh.A ka përmbyllur me sukses edhe një investim kapital me rëndësi të veçantë, duke modernizuar infrastrukturën energjetike të tregut.
Në kuadër të këtij projekti është bërë vendosja e një trafostacioni të ri elektrik, si dhe instalimi i njehsorëve individualë për të gjithë tregtarët që ushtrojnë veprimtarinë e tyre në treg.
Ky investim pritet të sigurojë furnizim më të qëndrueshëm dhe më efikas me energji elektrike, duke krijuar kushte më të mira pune për tregtarët dhe duke rritur cilësinë e shërbimeve.
U.D. Kryeshefi Ekzekutiv, Bajram Isufi, shprehu mirënjohjen për Drejtorin e KEDS për Distriktin e Gjilanit, Emin Emini, si dhe për të gjithë bashkëpunëtorët që kontribuuan në realizimin me sukses të këtij projekti.
NPL “Tregu” Sh.A thekson se do të vazhdojë me investime të reja në funksion të modernizimit të infrastrukturës dhe përmirësimit të kushteve për të gjithë përdoruesit e tregut.
