UKZ hap konkursin për pranimin e studentëve të rinj në nivelin Bachelor për vitin akademik 2026/2027
Universiteti Publik “Kadri Zeka” në Gjilan ka hapur konkursin për pranimin e studentëve të rinj në programet e studimeve Bachelor për vitin akademik 2026/2027, duke u ofruar maturantëve mundësi për të ndjekur studime cilësore në programe bashkëkohore, të përshtatura me nevojat e tregut të punës.
Për vitin akademik 2026/2027 janë paraparë gjithsej 510 vende për studentë të rinj, të shpërndara në këto programe studimore të nivelit Bachelor:
Fakulteti i Edukimit
– Arsim Parashkollor
– Arsim Fillor
Fakulteti Ekonomik
– Financë dhe Kontabilitet Aplikativ
– Marketing dhe Menaxhim Shitjesh
Fakulteti i Shkencave Kompjuterike
– Shkenca Kompjuterike
Fakulteti i Shkencave Sociale
– Marrëdhënie Ndërkombëtare dhe Studime Evropiane
Kuotat e pranimit përfshijnë kandidatët nga Kosova, Presheva, Bujanoci dhe Medvegja, komunitetet jo-shumicë, Shqipëria, Maqedonia e Veriut dhe Mali i Zi, sipas kritereve të përcaktuara në konkurs.
Universiteti Publik “Kadri Zeka” fton të gjithë maturantët dhe kandidatët e interesuar të aplikojnë dhe të bëhen pjesë e një institucioni të arsimit të lartë që ofron mësimdhënie cilësore, staf akademik të kualifikuar, mundësi për mobilitet ndërkombëtar, pjesëmarrje në projekte shkencore dhe një mjedis të përshtatshëm për zhvillim akademik e profesional.
Të gjitha informatat, afatet e aplikimit, dokumentacionin e nevojshëm dhe kuotat sipas programeve të studimit janë paraqitur në konkursin që eshtë i publikuar në ueb-faqen zyrtare të Universitetit Publik “Kadri Zeka”.
