Gjilan: Disa nxënës, mësimdhënës e drejtoresha e shkollës “Thimi Mitko” vizitojnë Liqenin e Ujmanit
Nxënësit e klasave të nënta të Shkollës Fillore të Mesme të Ulët “Thimi Mitko”, nga Gjilani, së bashku me mësimdhënësit e tyre dhe drejtoreshën e shkollës, Ardhmerie Jakupi Musliu, realizuan një vizitë edukative në Liqenin e Ujmanit.
Drejtoresha e shkollës, tha se kjo vizitë u organizua me qëllim që nxënësit të njihen nga afër me bukuritë natyrore, rëndësinë ekonomike dhe turistike të një prej pasurive më të rëndësishme të Kosovës.
Ajo tregoi se për shumë nxënës, kjo ishte hera e parë që vizitonin Liqenin e Ujmanit, ndaj përvoja ishte veçanërisht mbresëlënëse.
“Gjatë vizitës, patëm mundësinë të shijojmë peizazhet e mrekullueshme, ku nxënësit të mësojnë më shumë për rëndësinë e liqenit dhe të kalojnë momente të këndshme në natyrë”, tha Ardhmerie Jakupi Musliu.
Drejtoresha e shkollës, theksoi se ky aktivitet u vlerësua si një përvojë e dobishme edukative, që ndihmon në pasurimin e njohurive të nxënësve dhe në njohjen e tyre me vlerat natyrore të vendit tonë.
