Haziri nga Bresalci: Mbështetja e qytetarëve na jep forcë për rikthimin e madh të LDK-së
Në kuadër të aktiviteteve të fushatës zgjedhore, kandidati i LDK-së, Lutfi Haziri, ka qëndruar në Bresalc dhe në zonën e Malësisë së Zhegocit, ku është takuar me qytetarë dhe mbështetës të subjektit politik.
Haziri ka vlerësuar pjesëmarrjen dhe mbështetjen e banorëve të kësaj ane, duke theksuar se besimi i tyre përfaqëson motiv shtesë për angazhimin e LDK-së në zgjedhjet e 7 qershorit.
Sipas tij, një nga zotimet kryesore për këtë zonë mbetet realizimi i projektit të Autostradës së Gjilanit, të cilin e ka cilësuar si një investim me rëndësi të veçantë për Bresalcin, Gjilanin dhe gjithë rajonin e Anamoravës.
“Mbështetja që po marrim nga qytetarët na jep forcë dhe përgjegjësi për të vazhduar punën në shërbim të zhvillimit të kësaj ane. Projekti i Autostradës mbetet ndër prioritetet tona kryesore, me ndikim të drejtpërdrejtë në zhvillimin ekonomik dhe lidhjen infrastrukturore të rajonit”, ka theksuar Haziri.
Ai ka falënderuar qytetarët për mikpritjen dhe përkrahjen e vazhdueshme, duke shprehur bindjen se LDK-ja do të vazhdojë të jetë një adresë e besimit dhe shpresës për shumë qytetarë.
