Fushata zgjedhore për zgjedhjet lokale të 7 qershorit: Veteranët e UÇK-së shprehin mbështetje për PDK-në në Gjilan
Një takim i veçantë në kuadër të fushatës zgjedhore për zgjedhjet lokale të 7 qershorit u zhvillua me veteranë të Ushtrisë Çlirimtare të Kosovës, ku u diskutua për sfidat dhe perspektivën e zhvillimit të vendit.
Atmosfera u karakterizua nga emocione, kujtime të periudhave të rëndësishme historike dhe angazhim për të ardhmen. Të pranishmëve iu drejtua me një fjalë rasti kryetari i degës së PDK-së në Gjilan, Riad Rashiti, i cili falënderoi veteranët për kontributin e tyre dhe mbështetjen e vazhdueshme.
Takimin e nderuan me pjesëmarrjen e tyre edhe gjeneralët Rahman Rama dhe Rrustem Mustafa, si dhe kandidatët Arben Mustafa, Nderim Mustafa dhe kandidatë të tjerë nga rajoni i Anamoravës.
Përfaqësuesit e PDK-së vlerësuan mbështetjen e veteranëve si një motiv shtesë për angazhimin politik dhe qytetar, duke theksuar se energjia dhe përkushtimi i tyre mbeten frymëzim për brezat e rinj.
Në përfundim të takimit u shpreh mirënjohje për mikpritjen dhe përkrahjen e dhënë, me mesazhin se bashkëpunimi dhe angazhimi i përbashkët do të vazhdojnë edhe në periudhën e ardhshme zgjedhore.
