Dëmtohen “viewpoint”-et në Kamenicë, Komuna apelon për kujdes dhe bashkëpunim
Drejtoria për Zhvillim Ekonomik dhe Diasporë në Komunën e Kamenicës ka njoftuar se vetëm dy javë pas vendosjes në funksion, “viewpoint”-et janë dëmtuar nga persona të papërgjegjshëm, duke u lyer me ngjyrë.
Nga kjo drejtori u bëhet thirrje qytetarëve që të bashkëpunojnë me institucionet përkatëse dhe, në rast dyshimi, të raportojnë çdo rast tek organet kompetente.
Po ashtu, theksohet se ruajtja e investimeve publike, veçanërisht në fushën e turizmit, është përgjegjësi e përbashkët e të gjithë qytetarëve.
Sqarim: “Viewpoint”-et janë pika të rregulluara panoramike, të vendosura në lokacione të caktuara për t’u ofruar vizitorëve pamje të bukura të zonës, si dhe hapësira për pushim dhe fotografi.
