Botërori 2026: FIFA planifikon fshirjen e kartonëve të verdhë në dy faza
Në Kupën e Botës 2026, që do të zhvillohet në SHBA, Kanada dhe Meksikë, FIFA po shqyrton një ndryshim të rëndësishëm në rregulla, duke paraparë fshirjen e kartonëve të verdhë në dy faza të turneut.
Sipas raportimeve të BBC Sport, kartonët e verdhë do të anulohen në fund të fazës së grupeve dhe sërish pas çerekfinaleve. Ky propozim vjen si pasojë e zgjerimit të turneut në 48 ekipe dhe rritjes së numrit të ndeshjeve.
Qëllimi i kësaj mase është të shmangen pezullimet e lojtarëve kyç në ndeshje vendimtare, si gjysmëfinalet, duke e bërë garën më të drejtë dhe më konkurruese.
Propozimi pritet të diskutohet në mbledhjen e radhës të FIFA.
