Ish Presidenti Fatmir Sejdiu – telegram ngushëllimi familjes Petrovci
E nderuara familje Petrovci,
Me pikëllim mora lajmin se Enveri nuk jeton më. Arti dhe ne mbetëm pa profesorin, artistin dhe regjisorin e veçantë. Punoi gjithë jetën, edhe në kohët më të vështira, kur arti ishte më shumë sakrificë se sa profesion.
Kontributi i tij si profesor, aktor dhe regjisor si dhe angazhimi kulturor, ishte dhe do të jetë frymëzim për breza krijuesish të artit. Ai mbetet një nga figurat më të dashura të skenës sonë, që do të kujtohet gjithmonë me respekt e mirënjohje.
Pranoni ngushëllimet e përzemërta në emër timin dhe të familjes Sejdiu.
President i Republikës së Kosovës 2006-2010
