Vdes në QKUK i plagosuri nga të shtënat në Viti
Ka vdekur viktima i cili ishte plagosur në Debelldeh të Vitisë më 18 shtator.
Sipas njoftimit nga Policia, viktima ishte duke u trajtuar në QKUK.
“Me vendim të prokurorit trupi i pa jetë i viktimës është dërguar në IML për obduksion”, thuhet në njoftimin e dërguar sot përmes raportit policor.
Rasti është cilësuar si “vrasje e rëndë”.
Të enjten Policia pati raportuar për plagosjen, duke bërë të ditur gjithashtu se i dyshuari është në arrati.
