Policia: “Nuk u mbijeton plagëve – ndërron jetë i aksidentuari në Lladovë të Gjilanit”
Policia Rajonale në Gjilan, gjegjësisht Toger Ismet Hashani, zëdhënës, ka njoftuar për TV Gjilani se ka ndërruar jetë i aksidentuari mbrëmë, më 14 gusht 2025, në fshatin Lladovë të Gjillanit.
“Ju njoftoj se ka ndodhur një aksident trafiku në fshatin Lladovë Komuna Gjilan me 14.08.2025. Policia e Kosovës është njoftuar për këtë aksident me lëndime trupore, ku një veturë dyshohet se ka goditur këmbësorin 43 vjecar, shtetas i Kosovës, ndërsa sot me 15. 08. 2025, në mëngjes, jemi informuar se këmbësori i cili ka qenë i goditur nga automjeti në aksident, ka ndërruar jetë në QKUK, edhe për kundër përpjekjeve nga ana e mjekëve”, ka njoftuar Hashani.
Ai ka theksuar mw tej se Policia e Kosovës njësitet e trafikut Rajonal në Gjilan janë duke i udhëhequr hetimet lidhur me këtë rast.
