Kryetari Hyseni, shprehu keqardhje dhe solidaritet me të miturën ndaj të cilës është ushtruar dhunë
Pas publikimit të një video në medie, ku ushtrohet dhunë ndaj një të miture, deklarohet edhe kryetari i Komunës së Gjilanit, Alban Hyseni.
Ai tha se: një video që po qarkullon nga mbrëmë në medie më ka tronditur thellë, jo vetëm mua personalisht, por edhe gjithë qytetarët e Gjilanit dhe Kosovës.
Sipas tij pamjet e dhunës ndaj një të miture janë të papranueshme dhe shqetësuese në çdo formë.
“Si kryetar i Komunës së Gjilanit, shpreh keqardhjen dhe solidaritetin tim me viktimën dhe familjen e saj dhe dënoj çdo akt dhune që bie ndesh me vlerat tona njerëzore e shoqërore”, tha Alban Hyseni.
I pari i Gjilanit u bënë thirrje institucioneve të sigurisë dhe drejtësisë që të veprojnë menjëherë dhe të marrin masat e nevojshme, në mënyrë që të garantohet siguria e çdo fëmije në qytetin tonë.
