Ballkani pret Shamrock Rovers në Fadil Vokrri, synohet fitorja në shtëpi
Ballkani përballet me Shamrock Rovers në rrethin e tretë kualifikues të Ligës së Konferencës. Nënkampioni i Kosovës do ta zhvillojë ndeshjen e parë në stadiumin “Fadil Vokrri” në Prishtinë, me synimin e qartë për të marrë një fitore dhe për të hedhur hapin e parë drejt kualifikimit.
Sfida nuk pritet të jetë e lehtë për skuadrën nga Suhareka, pasi përballë ka liderin aktual të kampionatit irlandez, një ekip me përvojë në garat evropiane dhe me disiplinë të fortë taktike.
Ndeshja Ballkani – Shamrock Rovers zhvillohet sonte me fillim nga ora 20:30, në një atmosferë që pritet të jetë e zjarrtë me mbështetjen e madhe nga tifozët vendas.
Skuadra e drejtuar nga trajneri Orges Shehi është e motivuar për të arritur suksesin, pas paraqitjeve të mira në raundet e mëparshme dhe përgatitjeve intensive për këtë duel vendimtar.
Ballkani do të synojë të shfrytëzojë avantazhin e fushës dhe përkrahjen e tifozëve, për të siguruar një epërsi para ndeshjes së kthimit që do të zhvillohet në Irlandë.
Nga ana tjetër, Shamrock Rovers kanë udhëtuar në Prishtinë me objektiva të qartë, të shmangin humbjen dhe të ruajnë gjasat për kualifikim para ndeshjes së kthimit në shtëpi.
