Qeveria në detyrë e Kosovës hoqi taksat për mallërat nga ShBA, gazetari Bahri Cani e vlerëson vendimin: Një vendim absolutisht me vend i Kurtit dhe qeverisë në detyrë!
Nga Bahri Cani: Një vendim absolutisht me vend i Kurtit dhe qeverisë në detyrë!
Ky është përfundimisht një vendim i mirë i kryeministrit në detyrë Albin Kurti dhe i kabinetit të tij qeveritar. Kosova ka hequr tarifat doganore prej 10% për mallrat amerikane që futen në këtë vend.
Ky është një mesazh i mirë për Amerikën dhe në radhë të parë për Trumpin, i cili e ka bërë këtë çështjen e tarifave si çështjen më të rëndësishme në mandiatin e dytë deri tani.
Absolutisht jam dakord që Kosova duhet të insistojë në mbështetjen e plotë të SHBA-së në të gjitha fushat – diplomatike, politike, ekonomike, tregtare dhe në radhë të parë të sigurisë.
Tashti me siguri që ka dhe të tillë që thonë se vendimi është i vonuar, se Kurti ka të drejtë apo nuk ka të drejtë të marrë vendime, se vendimi është marrë në kohë fushate, se kështu apo ashtu.
Por populli ka thënë – më mirë vonë se kurrë. Ndërsa këto kritikat dhe kritikat e kritikave le të mbeten për fushatë e për partitë politike.
Unë përfundimisht e mbështes këtë vendim! E ju komentoni si të doni…
