Zvicra ndihmon Bujanocin me pajisje teknike
Organizata me renome Carritas nga Zvicra na ka dhuruar në formë donacioni 22 laptopë HP.
Këtë donacion të çmueshëm e pranuam nga zonja Nazlije Avdiji nga Tërnoci, e cila jeton dhe punon në Zvicër, ka shkruar kryetari i Bujanocit Arber Pajazit, percjell TV Gjilani.
Zonjën në fjalë e falenderojmë për kontributin ndërsa organizatës nga Zvicra u jemi shumë mirënjohës për këtë formë të ndihmës konkrete për komunën e Bujanocit.
Pajisjet teknike do t’i shpërndajmë për nevojat e Administratës Lokale, Qendrës për Punë Sociale, shkollave dhe Organizatës “ Era” e cila angazhohet për fëmijët me nevoja të veçanta.
