Në Prishtinë ka filluar FIBA Kampionati Evropian për Shtete të Vogla – Femrat 2024 në basketboll
Vendi ynë është bërë përsëri nikoqir i një ngjarje të rëndësishme ndërkombëtare sportive.
Në Prishtinë ka filluar FIBA Kampionati Evropian për Shtete të Vogla – Femrat 2024 në basketboll.
Në Pallatin e Rinisë dhe Sportit mbrëmë është zhvilluar ndeshja hapëse në mes të Kosovës dhe Maltës, ku ekipi ynë kombëtar i vajzave dhuroi shumë emocione gjatë ndeshjes.
Të pranishëm në hapjen e këtij kampionati ishin, zëvendësministrja Daulina Osmani, ish presidentja e Kosovës, Atifete Jahjaga, përfaqësues të Federatës së Basketbollit të Kosovës dhe shumë sportistë e qytetarë.
Kampionati do të zgjasë deri të dielën, ndërsa ndeshja e radhës luhet sot kundër Qipros nga ora 20:30.
