Ujë dhe shujta nga “Dea” e “Xhevda MAAE” për fëmijët me Sindrom Down
Me iniciativën e udhëheqësit të Zyrës për të Drejtat e Njeriut e Komunitetit, Ardian Foniqi janë nënshkruar dy marrëveshje bashkëpunimi në mes të OJQ “Doën Syndrom Kosova” në Gjilan me donatorët, Kompania e ujit “Dea” dhe ajo e ndërtimit të banesave “Xhevda MAAE”.
Sipas marrëveshjes, kompanitë në fjalë janë zotuar që t’i furnizojnë me ujë të pijes dhe shujta ditore për një vit 40 anëtarë që marrin shërbime në “Down Syndorm Kosova” në Gjilan.
“I falënderoj donatorët për mbështetjen që dhanë për këtë kategori të fëmijëve, të cilët deri tani këto shërbime nuk i kanë gëzuar, ndërsa tani e tutje falë këtyre dy donatorëve do t’i kenë”, tha Ardian Foniqi, udhëheqës i Zyrës për të Drejtat e Njeriut dhe Komunitetit në Gjilan.
Ai më tej theksoi përkushtimin e kreut të Komunës, Alban Hyseni, për të cilin tha se është i përkushtuar që të mbështesë këtë OJQ, së cilës kohë më parë i është dhënë në shfrytëzim objektit për t’i zhvilluar aktivitetet ditore këta 40 fëmijë.
Marrëveshja është nënshkruar nga drejtoresha e “Down Syndrom Kosova” Sebahate Hajdini – Beqiri në njërën anë dhe nga pronari i kompanisë “Xhevda MAE”, Xhevdet Hajrullahu e nga kompania “Dea”, gjegjësisht Kushtrim Avdyli, në anën tjetër.
