Një vit nga Marrëveshja e Ohrit, Haziri: Kemi një vit të humbur ne negociata
Nënkryetari i LDK-së, Lutfi Haziri ka shkruan në një vjetorin e nënshkrimit të marrëveshjes së Oherit.
Haziri ka kritikuar qeverinë Kurti, që sipas tij kanë humbur një vit me negociata.
Sipas tij BE dhe SHBA po kalojnë në proces zgjedhor dhe se nuk është se mund të merren shumë me Kosovës, kështu duke i krijuar mundësi Serbisë të përdorë politikën e pentrimit me te thelle te hegjomonise serbe dhe ne interesa ruse në regjionin e Ballkanit për destabilizim.
Ky është shkrimi i plotë:
Një vit nga marrëveshja e Brukselit e cila është pasuar me marrëveshje te sekuincuar në Ohër, kemi një vit të humbur ne negociata.
Kryeministri Kurti uli qëllimin nga një marrëveshje ligjërisht e obligueshme me njohjen formale në një marrëveshje të përkohshme.
Përpjekja ka qenë e jashtëzakonshme nga BE dhe Këshilli i Evropës që kjo marrëveshje të jetë marrëveshje e cila e bën Kosovën të integruar në BE. Tani kur BE dhe ShBA-të po kalojnë në proceset e tyre zgjedhore, situata kthehet prapa në dialogun Kosovë – Serbi, dhe i jep mundësi Serbisë të përdorë politikën e pentrimit me te thelle te hegjomonise serbe dhe ne interesa ruse në regjionin e Ballkanit për destabilizim, duke shkaktuar kriza të njëpasnjëshme.
Ndryshe, sot përfaqësuesi i lartë i BE-së për Politikë të Jashtme dhe Siguri, Josep Borrell ka shprehur shqetësimin e tij për mungesën e progresit në zbatimin e Marrëveshjes së Ohrit mes Kosovës dhe Serbisë.
Pas një viti nga arritja e kësaj marrëveshjeje mes Kosovës dhe Serbisë, Borrell ka theksuar se, ndryshe nga pritjet, zbatimi i marrëveshjes është i kufizuar.
Borrell ka shtuar se BE-ja do të vazhdojë të bëjë presion tek Kosova dhe Serbia për të përparuar në normalizimin e marrëdhënieve.
“Sot është përvjetori i parë i Marrëveshjes së Ohrit. Koha fluturon dhe tashmë ka kaluar një vit nga arritja e Marrëveshjes mes Kosovës e Serbisë për të lëvizur drejt normalizimit. Fatkeqësisht, pavarësisht mbështetjes së fuqishme të BE-së dhe komunitetit ndërkombëtar, Serbia e Kosova kanë bërë progres të kufizuar. Së shpejti do të ketë një takim të kryenegociatorëve në Bruksel, dhe më vjen shumë keq që kjo Marrëveshje, që ishte mjaft e vështirë për t’u arritur, nuk është zbatuar por do të vazhdojmë të bëjmë presion tek dy palët për të lëvizur përpara. Por, një vit më vonë, zbatimi nuk ka qenë siç kam pritur se do të jetë”, ka deklaruar Borrell, para fillimit të takimit të ministrave te Këshilli i Punëve të Jashtme.
