In Memoriam! – Xhavit Salihu, pishtar i medias, muzikës e përkushtimit qytetar (11.04.1953 – 12.12.2017)
Në gjashtë vjetorin e ikjes në amshim, gazetari, artisti e qytetari i shquar i Gjilanit, Xhavit Sadiku, kujtohet nga pasardhësit – djemtë e tij, sikurse edhe që nderohet nga miqë e kolegë, sikurse edhe nga qytetarë e aderues të muzikës.
Xhavit Salihu, i njohur në mjediset kulturore gjithandej, para së gjithash si aderues i devotshëm i muzikës Rock të viteve të 70-të të shek. XX-të, e poashtu edhe i skenën mediale, njëherit koleksionist i pashembulllt i përmasave kombëtare e madje edhe ndërkombëtare i muzikës identitare që mbanë vulën “revolucionare” të kohës, me yjet e Rock-ut, e grupet e njohura që lanë gjurmë të pashlyeshme në historinë e muzikës botërore, si: “The Beatles”, “Roling Stons”, pastaj Mick Jagger, Jimi Hendrix, Elvis Presley e shumë të tjerë yje të kohës, sikurse edhe koleksionist e humanist, seleksionues i disqeve të muzikës shqipe të filleve të rokut si dhe i zhanreve tjera avangardiste të kohës, u kujtua dhe nderua në mjediset qytetare gjilanase ku jetoi e veproi, vecmas në fushën e medias e asaj muzikore.
“U bënë gjashtë vite që kur shkoi në amshim gazetari i njohur gjilanas, Xhavit Salihu, i cili ka bërë shumë për gazetarinë kosovare e sidomos për atë radiofonike, duke qenë shumë i afërt me kolegë, i përpiktë në punë dhe shembull për gazetarët tjerë”, shkruajnë mediat online lokale, duke vlerësuar shembëlltyrën e Xhavitit si personalitet i afërt e i dashur, miqësor e kooperativ, bashkëpunues e ekspedititv në punën që bënte në media, duke u shquar posacërisht me vokacionin në radio.
Xhavit Salihu, pos si gazetar, ka qenë i njohur edhe si koleksionues i pasionuar e i profesonalizuar i disqeve, kasetave e shiritave të ndryshëm muzikore, sikurse që ishte edhe një lëxues i pasionuar i librave.
Në 6-vjetorin e shkuarjes në amshim, i biri i tij, Arbëreshi, gjithashtu gazetar, ia ka dedikuar një postim:
“Gjashtë vjet pa ty babë, Xhavit Salihu, themeluesi i Radio Star! – Gjashtë vjet pa zërin tënd në radio, pa fjalët dhe këshillat tua. Gjashtë vjet ndjenjë zbrazëtie, ndjenjë zemërimi. Mungesa jote ndihet kudo. Edhe pse jeta po vazhdon me gëzimet dhe hidhërimet e saj, kujtimet për ty çdo ditë na pushtojnë mendjen. Çdo ditë jemi krenarë për vlerat njerëzore që kishe. Ne do të ecim tutje ashtu siç ti deshe, ashtu siç ti na mësove, të fortë dhe krenar. Ti do të mbetesh përgjithmonë udhërrëfyes në rrugëtimit tonë!”, shkroi ai ndër rreshta përkujtues e dedikues, të cilët rreshta pasqyrojnë plotëkuptimsinë e dhëmbjes krenare, mirënjohjes së pfaund që mund të pasqyroj relacicioni prind/fëmijë, admirimit për punën permanente të tij, sikurse përkushtimit ndaj fëmijëve e familjes, që prore e veconte Xhavit Sadikun, madje kudo e kurdo.
Të rikujtojmë se edhe djali tjetër i gazetarit, Xhavit Salihu, Flakroni, është gazetar, që bashkë me të vëllain Arbëreshin, suksesshëm udhëheqin radiostacionin lokal – Radio Star.
